خيالات الشعر زارتني وية النوم وبديت اكتب قصيدة وقلبي بي حسرة
ردتهة تصير حرزي وتندفن وياي وردت بيهة العزاء لفاطمة الزهرة
وتمنيت انتقل من دنية الارهاب لعالم سيدي المذبوح واخته الطاهرة
وتمنيت بوسط عاشور روحي اتصير تصد اسهامهم عن جبهتة وصدرة
وكون احضن اطفالة الضلو بلا ماي واحميهم وسط نيران مستعرة
ولون اني انضرب وية السبايا بسوط واكسر كل قيود اللي احتوت عترة
لان اهناك الحق واضح ومعلوم او وي احسين كلهة الموت تنتظرة
بس بها الوكت اتخربطت للوان وانهار العراق اتحولت حمرة
وك يا عاذلي لا تلوم يكفي اللوم دمع العين حط اعلة الوجه جمرة
لان قلب الموالي اللي يحب احسين حقل الغام صاير منتهي صبرة
ولان كل اليريد يصحح التاريخ لازم يعتقل لو ينكطع نحرة
ولان صدام والحجاج والمحتل زرعو بالوطن اقزام منتشرة
ولان صار البجي مو مهرجان احزان بس صرخات تنوي تزحزح الصخرة
ولان ردنا الطفوف بهالوطن تنعاد وردنا المنتظر يعلنها للثورة
حتى انعرف احنا بيا معسكر وين وي دم الحسين الخالد بذكرة ؟؟
لو نخسر عملنا بخندق الطغيان ؟ لو وي الينام ويلبد بحفرة ؟[/size][/color]